Þess vegna rembast Rússar eins og rjúpan við Bakmút

Að það skuli taka rússneska herinn, en þó að mestu leyti, hóp glæpamanna sem heitir Wagner, átta mánuði að taka yfir 70.000 manna bæ í Úkraínu, segir þá sögu að ekki er allt með felldu hjá Rússum.

Það er beinlínis vandræðalegt að þeim hafi ekki enn tekist að ná þessum salt og gipsnámubæ fullkomlega á vald sitt, þó líkur séu á að það sé að takast.

Talið er að þúsundir Rússa og fjöldi Úkraínumanna hafi fallið, hreinlega verið slátrað í og við bæinn Bakmút. Hann hefur nánast ekkert hernaðarlegt mikilvægi, er t.d. ekki mikilvæg flutningaleið eða álíka. Bakmút kallast "kjötkvörnin" og er í Donbass, A-Úkraínu.

Mikilvægi Bakmút felst í því að ef Rússum/Wagner-hópnum, tekst að taka bæinn, er það í fyrsta sinn í langan tíma sem þeir vinna það sem kallast sigur á vígvellinum.

Miðað við þetta verða þeir áratugi að ná Úkraínu á sitt vald.

Þetta sýnir fyrst og fremst hversu snjallir Úkraínumenn eru að verjast Rússum, sem talið er að hafi gert allt að 100 áhlaup á bæinn.

Bærinn er nánast rústir einar og talið að einungis séu um 5000 manns eftir í bænum.

Það verðu því ekki glæsilegt um að litast þegar (og ef) Rússum/Wagner-hópnum tekst að ná undir si þeim rústum sem kallast Bakmút.

"Flott" hjá þeim!

Athugasemdir

[Ásgrímur Hartmannsson, 6.3.2023 kl. 21:15]

Kannski er þetta viljandi gert.

Langt umsátur þar sem þeir missa færri menn getur verið betra en snögg aðgerð þar sem þeir missa marga.

Þumalputtareglan er, að þegar maður ryðst inn í hús þar sem einhver er fyrir með byssu, þá þarf 8-10 manns til þess að gera það nokkuð örugglega.

Svo: best að sprengja bara húsið úr fjarska, og bíða smá á meðan þeir í rústunum svelta.

Alltaf hægt að byggja aftur.

[Gunnar Hólmsteinn Ársælsson, 7.3.2023 kl. 08:04]

Já, það var algerlega viljandi gert af Pútín að ráðast inn í Úkraínu, það er alfarið á hans ábyrgð.

Og þú heldur þá kannski að hann muni byggja sundursprengd svæði upp aftur? Hann er alveg örugglega mjög æstur í gera það, eða hitt þó heldur.